Մարդու իրավունքների խախտումները՝ աշակերտների բեմականացումներում

Սյունիքի
մարզի 24 համայնքներում մարդու իրավունքների վերաբերյալ իրազեկվածությունը
բարձրացնելու նպատակով Վորլդ Վիժն
Հայաստանի Սիսիանի տարածքային զարգացման ծրագիրն ամիսներ շարունակ տարբեր
միջոցառումներ է նախաձեռնում. բեմականացումներ, պաստառների մրցույթներ, վիկտորինաներ և այլն։

Մայիսի
18-ին Անգեղակոթ, Շամբ, Խոտ և Աշոտավան համայնքների դպրոցների աշակերտական
խորհուրդները, որոնք լավագույնն են ճանաչվել 24 համայնքներում, Սիսիանում
ներկայացրեցին մի քանի բեմականացումներ՝ մարդու իրավունքների խախտումներով:

Աշակերտներն
անդրադարձել էին խղճի, կրոնի և դավանանքի ազատությանը, երեխաների իրավունքներին,
արդար դատաքննությանը, աշխատանքի և այլ իրավունքների: Երեխաները
ներկայացրեցին բռնության, խտրական վերաբերմունքի, անտեսման,
կաշառակերության, աշխատանքի շահագործման դեպքեր:

Բեմականացումներից
հետո քննարկվեցին ներկայացված իրավունքների խախտումները՝ ևս մեկ անգամ ընդգծելով իրավունքների իրացման կարևորությունը։