ՀՀ նախագահի ընտրության քվեարկության օրվա ընթացքում «Իրավական նախաձեռնություն.
Ընտրություններ-2008» նախաձեռնության գրասենյակը ՀՀ քաղաքացիներից ստացել է 475
ահազանգ։ 405 դեպքում նախաձեռնության իրավաբանները հեռախոսով պարզաբումներ են տվել,
իսկ 70 դեպքում «Իրավական նախաձեռնություն. Ընտրություններ-2008» նախաձեռնության
իրավական շտապ օգնության մեքենաները մեկնել են դեպքի վայրեր։ Ստացված ահազանգերի
պատկերը հետեւյալն է։

[20։15]

• 5/28 ընտրատեղամասի մի ընտրող տեղեկացրել է, որ քվեաթերթիկների հակառակ երեսին
  հանձնաժողովի 3 անդամների ստորագրությունների փոխարեն առկա է ընդամենը երկու
  ստորագրություն։ ՀՀ ընտրական օրենսգրքի 53 հոդվածի առաջին կետի համաձայն
  քվեաթերթիկները պետք է ստորագրեն ընտրական հանձնաժողովի երեք անդամ։ Իսկ ՀՀ
  Կենտրոնական ընտրական հանձնաժողովի 09.02.2008 թիվ 15Ն որոշման համաձայն, եթե
  քվեաթերթիկ վրա երեք ստորագրություն չկա, ապա քվեաթերթիկը համարվում է անվավեր։

[19:55]

• Երեւանի 7/12 ընտրատեղամասի ընտրող Մհեր ներկայացած մի քաղաքացի ահազանգեց, որ իր
  աչքի առջեւ մեծաքանակ լցոնումներ են տեղի ունեցել, իսկ վստահված անձինք պատռված
  շորերով նստել էին տեղամասում, ոմանք անզորությունից լալիս էին։

[19:20]

• Աշտարակի ավելի քան մեկ տասնյակ բնակիչներ գրավոր տեղեկացրել, որ իրենց տների վրա
  գրանցված են օտար մարդիկ, որոնք մասնակցել են ընտրություններին։
• Երեւանի թիվ 1/10 ընտրատեղամասում հանձնաժողովի որոշ անդամներ սպառնում են
  դիտորդներին։
• Թիվ 114, թիվ 71 դպրոցներում եւ Խնկո Ապոր գրադարանում տեղակայված
  ընտրատեղամասերում անձնագրի փոխարեն 9-րդ ձեւ կոչվող փաստաթղթով քվեարկողների խմբեր
  են նկատվել։

[18:00]

• Վանաձոր 29/12 եւ 29/11 ընտրատեղամասերի դիմացի խանութում ընտրակաշառքներ են
  բաժանվել։
• Արտաշատի 17/10 ընտրատեղմասում ընտրող Կարինե Իվանյանը նկատել է լցոնման փաստը եւ
  բարձրաձայնել. ընտրական ողջ հանձնաժողովով ծեծել են կնոջը։
• «Ազատականություն եւ ժողովրդավարություն» դիտորդական առաքելության ղեկավար Նունե
  Վարտունին ԳՈՒՄ–ի շուկայի մոտ նկարահանել է թե ինչպես են մեքենաներով եւ
  ավտոբուսներով քաղաքացիներին բերում շուկա եւ հենց շուկայից տեղեկանք էին ստանում
  ըստ բնակության վայրի քվեարկելու մասին։ 17։00–ի մատույցներում գրողների միության
  մոտ Նունե Վարտունին նկարահանել է ընտրատեղամասից–ընտրատեղամաս շրջող մեքենաներ,
  ինչից հետո նրան է մոտեցել 01 SS 907 համարանիշով սպիտակ ՆԻՎԱ, որից դուրս եկած
  երիտասարդները վերցրել են ֆոտոխցիկը։

[16:30]

• «Իրավական նախաձեռնություն. Ընտրություններ-2008» նախաձեռնության գրասենյակը
  շարունակում է ստանալ ընտրախախտումների վերաբերյալ նոր ահազանգեր, շատ ահազանգներ
  գալիս են նույն ընտրատեղամասերից։
• Էրեբունիում՝ 13/16 ընտրատեղամասում անվերահսկելի վիճակ է, բաց քվեարկություն,
  լցոնումներ։ Տեղում են բազմաթիվ դիտորդներ, «Ժառանգություն» կուսակցության
  պատգամավոր Զարուհի Փոստանջյանը, սակայն օրինախախտումները շարունակվում են։
  «Իրավական նախաձեռնություն. Ընտրություններ-2008» նախաձեռնության իրավական շտապ
  օգնության անձնակազմի ներկայությամբ ոստիկանները բռնություն են գործադրել Զարուհի
  Փոստանջյանի նկատմամբ։ Փաստաբան Լիզա Գրիգորյանը այս ամենը հավաստող տեսաերիզ ունի։
• 3/20 ընտրատեղամասի մոտ կանգնած է կանգնած 99 SS 888 համարանիշով սեւ PRADO մեքենա,
  մարդիկ նախքան քվեարկելը մոտենում են այս մեքենային
• Մալաթիա–Սեբաստիայի 174 դպրոցում տեղակայված թիվ 7/12 ընտրատեղամասում «Իրավական
  նախաձեռնություն. Ընտրություններ-2008» նախաձեռնության իրավական շտապ օգնության
  մեքենաներից մեկի անձնակազմի անդամ, «Հրապարակ» թերթի լրագրող Էլմիրա Մարտիրոսյանը
  նկարահանել է լցոնման դեպք։ Տեղում ներկա ոստիկանները լրագրողի ձեռքից վերցրել են
  ֆոտոխցիկը եւ հանել հիշողության քարտը։
• Բազմաթիվ ահազանգեր են գալիս, որ հանձնաժողովի նախագահները ընդդիմադիր վստահված
  անձանց թույլ չեն տալիս ստուգել ընտրողների անձնագրերը։

[15:30]

• Վանաձոր քաղաքացի Իշխան Մանուկյան որդին վերադարձել է բանակից, հաշվառումից հանված
  է, սակայն դատարանը ընտրացուցակներում վերականգնվելու դիմումը վարույթ չի
  ընդունում։ Ընտրացուցակներում վերականգնվելու դիմումները վարույթ չեն ընդունում
  նաեւ Վանաձորի, Գյումրիի, Երեւանի Շենթավիթ եւ Կենտրոն–Նորք–Մարաշ համայնքների
  դատարանները։
• Թիվ 13/13 ընտրատեղամասում մարդկանց տանում են քվեարկության՝ Առաջ Հայաստան
  կարգախոսով դրոշներով։
• Թիվ 3/27 ընտրատեղամասի մոտ կարմիր ОPEL մակնիշի մեքենայում նստած մարդիկ
  ընտրացուցակներ ունեն, ընտրողների մի մասը քվեարկությունից առաջ նրանց է մոտենում։
• Շիրվանզադեի անվան դպրոցում՝ 5/21 ընտրատեղամասում մի խումբ երիտասարդների մի քանի
  անգամ քվեարկել են, սակայն հանձնաժողովը նրանց անձնագրերում կնիք չի դնում։
  Դիտորդների՝ կնիք դնելու պահանջին ի պատասխան հանձնաժողովից սպառնացել են. տուն չեք
  հասնի։
• Աշտարակի 14/7 տեղամասում վստահված անձ Սոնա Մալխասյանին ամեն կերպ ահաբեկելով
  փորձում են դուրս հանել ընտրատեղամասից։ ժամը 15։30-ի դրությամբ Սոնա Մալխասյանը
  դեռ ընտրատեղամասում է։
• Ժամը 15։30–ի մատույցներում 162 դպրոցում տեղակայված ընտրատեղամասում ծեծկռտուք է
  եղել։
• Արամուսի թիվ 27/25 ընտրատեղամասում զանգվածային լցունումներ են:

[14:30]

• Երեւանի թիվ 34/24, 34/25, 34/26 տեղամասեր միկրոավտոբուսներով ընտրողներ են բերում
  և հենց տեղամասերի մոտ ընտրակաշառք տալիս Սերժ Սարգսյանին ընտրելու համար։ Մի
  քաղաքացի տեսել է, թե ինչպես է ընտրատեղամասի մատույցներում BMW մակնիշի մի
  մեքենայից ընտրակաշառք բաժանվում։
• Մասիսի Նիզամի գյուղի թիվ 16/44 ընտրատեղամասում հանձնաժողովի նախագահ չի
  թույլատրում Լեւոն Տեր–Պետրոսյանի վստահված անձին ծանոթանալ արձանագրությանը։
• Սեւան քաղաքում հիվանդանոցում ստացիոնար բուժում անցնող հիվանդ ընտրողների ցուցակը
  ավելացել է 40 մարդով։
• 6/29 տեղամասի ընտրողներից մեկը բողոքել է, որ իր բնակարանի վրա կեղծ հաշվառված
  մարդ կա, ով մասնակցել է ընտրությանը։
• Թիվ 4/24 ընտրատեղամասում ծեծկռտուք է եղել
• Երեւանի Թիվ 100 դպրոցում արձանագրվել է կարուսել։ Կազմվել է արձանագրություն
• Էրեբենու 13/11 տեղամասում արձանագրվել է բաց քվեարկություն եւ լցոնումներ
• ԱԺ պատգամավոր Արսեն Ավագյանը հայտնել է, որ Աբովյան-Պուշկին փողոցներում 57
  երթուղային տաքսիների մեքենաներով քաղաքացիներին տեղափոխում են ընտրատարածքներ:
  Իրավական շտապ օգնության մեքենան մեկնել է, սակայն երթուղային տաքսիներ չեն եղել:
  Նույն 57 երթուղային տաքսիների մեքենաներ են նկատել նաեւ Ջոն Կիրակոսյանի անվան
  դպրոցի մոտ:

[12:30]

• Երեւանի Նոր–Նորք համայնքում գնտվող ուսանողական հանրակացարաններում ինչ–որ մարդիկ
  ստիպողաբար գումար են բաժանում եւ ստիպում քվեարկելՍերժ Սարգսյանի օգտին:
• Երեւանի 4/28 եւ 4/27 ընտրատեղամասերում մի քաղաքացի արձանագրել է
  «ընտրակարուսել»։Կազմվել է բողոքի արձանագրություն:
• Երեւանի կենտրոնում 25 հոգանոց ավտոբուսը մարդկանցով լի շրջում է
  ընտրատեղամասից–ընտրատեղամաս։ Թիվ 11/03 ընտրատեղամասում՝ 255 մանկապարտեզ
  ընտրողների կուտակումներ են։
• Արտաշատում՝ Կուտակումներ են 11/17 տեղմասում դիտորդները արձանագրել են լցոնումներ,
  կազմել արձանագրություններ։ Դեպքի վայր ժամանած «Իրավական նախաձեռնություն.
  Ընտրություններ-2008» Իրավական Շտապ օգնության մեքենայի անձնակազմին սպառնացել են։
• Մարտունի քաղաքի 24/15 եւ 24/14 տեղամասերում բաց քվեարկություն է եղել: Կազմվել է
  արձանագրություն։
• 162 դպրոցում տեղակայված 7/18 տեղամասում ձերբակալել են դիտորդին:
• 13/28 ընտրատեղամասում լցոնումներ են եղել: Քվեարկել է մի 14 տարեկան երեխա,
  կազմվում է անհրաժեշտ բողոքը:
• Մալաթիա–Սեբաստիայի 8/21 ընտրատեղամասում արձանագրվել են լցոնում, կան ծեծված
  մարդիկ, որոնցից մեկին՝ Պարգեւ Մնացականյանին տեղափոխել են հիվանդանոց։ Պատրաստվում
  է հաղորդագրություն դատախազության համար։

«Իրավական նախաձեռնություն. Ընտրություններ-2008» նախաձեռնության իրավական շտապ
օգնության մեքենաների կատարած աշխատանքների մասին ամբողջական տեղեկությունը
ԶԼՄ–ներին կտրամադրվի քիչ ուշ: