«Ավետարանի հավատքի քրիստոնյաների միաբանության» Սևանի տեղական միավորի հոգևոր հովիվ Վլադիմիր Բաղդասարյանի վերաքննիչ բողոքի քննությունը արդեն երկրորդ անգամ է հետաձգվում:

Հոգևոր հովիվը վերաքննիչ բողոք է ներկայացրել Գեղարքունիքի մարզի ընդհանուր իրավասության դատարանի 13.07.2011թ. կայացրած վճռի դեմ, որով իրեն մեղավոր են ճանաչել «Շանթ» հեռուստաընկերության լրագրողների մասնագիտական օրինական գործունեությունը խոչընդոտելու մեջ։

Սեպտեմբերի 13-ին նշանակված նիստը հետաձգվել էր դատավորիներից մեկի՝ թոշակի անցնելու պատճառով: «Ինձ ասացին, որ նոր նշանակված դատավորին գործը երեկ են փոխանցել և նա դեռ չի հասցրել ծանոթանալ, այդ պատճառով նիստը հետաձգվում է»,- www.hra.am -ին փոխանցեց Վլադիմիր Բաղդասարյանի փաստաբան Ռոբերտ Ռևազյանը:

Առաջիկա նիստի օրը դեռ նշանակված չէ:

Աղբյուրը՝ www.hra.am