ՀՀ նախագահ Սերժ Սարգսյանը սեպտեմբերի 16-ի հրամանագրով Տիգրան Մուկուչյանին 7 տարի ժամկետով նշանակել է Կենտրոնական ընտրական հանձնաժողովի (ԿԸՀ) անդամ` հիմք ընդունելով ԿԸՀ անդամ նշանակելու մասին ՀՀ վճռաբեկ դատարանի նախագահի առաջարկությունը:

Տիգրան Մուկուչյանի՝ որպես Վերաքննիչ վարչական դատարանի նախագահ, լիազորությունները դադարեցվել էին 2011թ.սեպտեմբերի 15-ից:

Հիշեցնենք, որ ԿԸՀ նախագահ Գարեգին Ազարյանը հանկարծամահ էր եղել սեպտեմբերի 9-ին, և համաձայն Ընտրական օրենսգրքի՝ 21-օրյա ժամկետում պետք է առաջադրվեր և նշանակվեր ԿԸՀ նոր անդամ:

Աղբյուրը՝ www.hra.am