ՀՀ Մարդու իրավունքների պաշտպան Արմեն Հարությունյանը  նամակ է հղել ՀՀ Արդարադատության նախարար Գևորգ Դանիելյանին' խնդրելով կալանքի տակ գտնվող Սասուն Միքայելյանին ցուցաբերել բժշկական համապատասխան օգնություն: Մարդու իրավունքների պաշտպանի գրասենյակի աշխատակիցները հանդիպել են « Դատապարտյալների հիվանդանոց» քեակատարողական հիմնարկում գտնվող Սասուն Միքայելյանին և պարզել, որ վերջինս ունի սրտի հետ կապված խնդիրներ։

ՀՀ  ԱՆ քրեակատարողական վարչության հասարակայնության հետ կապերի բաժանմունքից տեղեկացրել էին, որ Ս.Միքայելյանը գանգատվում է սրտի և ձախ թիակի շրջանում ունեցած ցավերից, և բժշկական ստուգմամբ  նրա մոտ գրանցվել է արյան ճնշման անկում։

ՄԻ պաշտպանը խնդրել է հնարավորության դեպքում սրտի և սրտանոթների հետազոտություն (կառոռանոգրաֆիա)  կատարել «Նորք-Մարաշ» բժշկական կենտրոնում, քանի որ «Դատապարտյալների հիվանդանոց» -ում դա անել անհնար է:

«Դատապարտյալ Ս. Միքայելյանը հայտնել է, որ պատերազմական գործողությունների ընթացքում ստացված բեկորային վնասվածքի հետևանքով որոշ բեկորներ չեն հեռացվել իր աջ ոտքից, ինչը ուժգին ցավեր է պատճառում իրեն»,- գրված էնամակում:

Օմբուցմենը խնդրել է հնարավորության դեպքում կատարել  նաև ոտքի վիրահատություն:

Արդարադատության նախարարությունն  այսօր  հաղոդագրություն է տարծել, որով հակասել է  լրատվության առանձին միջոցներով հրապարակված Սասուն Միքայելյանի առողջական վիճակին վերաբերող «ոչ լիարժեք տեղեկատվություններին»։  Ըստ հաղորդագրության՝ Սասուն Միքայելյանի վիճակը հունվարի 22-ից հետո մինչ հիմա  կայուն է, նա գտնվում է բժիշկների մշտական հսկողության ներքո, իսկ «առողջական վիճակը համապատասխանում է 2009թ. դեկտեմբերին կատարված վիրահատությամբ պայմանավորված հետվիրահատական ակնկալվող վիճակին»։

Քրիստինե Վարդանյան