«Ինտերնյուս» Մամուլի աջակցության հասարակական կազմակերպությունը 2011թ-ի հոկտեմբերի 3-7-ը  անցկացնում է «Նոր մեդիա գործիքները ընտրական գործընթացներում» դասընթացը՝ նախատեսված ընտրական գործընթացներին հետևողՀԿ-ների և քաղաքացիական խմբերի համար։

Մասնակիցները կծանոթանան նոր մեդիա հարթակներում ինֆորմացիա տարածելու հնարավորություններին, կսովորեն մեդիա արշավների նախագծման և անցկացման հմտություններ, կուսումնասիրեն ընտրական գործընթացներին վերաբերող տարբեր օնլայն նախագծեր ու դրանցում կիրառված գործիքներ:

Դասընթացը տևում  է 5 օր, անցկացվում է Երևանում: Մասնակիցներն կապահովվեն  անհրաժեշտ սարքավորումներով։ Ինտերնյուսը կհոգա նրանց սննդի, մարզերից եկողների համար՝ ճանապարհածախսի և  Երևանում բնակվելու հարցերը: 

Դասընթացը վարելու են նոր մեդիայի և իրազեկման արշավների մասնագետներ, ներգրավված են լինելու լրագրողներ, իրավապաշտպաններ, փորձագետներ։ 

Մասնակիցներն ընտրվելու են մրցութային կարգով՝ ներկայացված հայտերի հիման վրա։ Հայտը կարելի է լրացնել այստեղ: Վերջնաժամկետն է սեպտեմբերի 30-ը: 

Լրացուցիչ տեղեկությունների համար կարելի է դիմել Ինտերնյուս,
Նարինե Սաֆարյանին։ Հասցեն՝ Երեւան, Արշակունյաց 3, 3-րդ հարկ։ Հեռ. 010 58 36 20: