ՀՀ կառավարության շենքի առջև այսօր` հուլիսի 14-ին, հավաքվել էին մարդիկ՝ տարբեր բողոքներով:

Մի անկյունում կրկին հավաքվել էին բանակում զոհված զինվորների մայրերը` պահանջելով պատժել մեղավորներին:

Մեկ այլ անկյունում հավաքվել էին շուրջ 7 ամիս անգործության մատնված բացօթյա առևտրով զբաղվողները՝ պահանջելով ՀՀ կառավարության կողմից դրական լուծում մոտ 3.5 հազար երևանաբնակ բացօթյա առևտրով զբաղվողների խնդրին:

Հավաքվել էին նաև բնապահպանները, ովքեր բողոքում էին ընդդեմ թալանվող ազգային հարստության և ընդդեմ քաղաքական գործիչների, որոնք չարաշահելով իրենց պաշտոնը՝ յուրացրել են Հայաստանի ընդերքը և հարստանում են` վաճառելով այն օտարերկրացիներին:

Բողոքում էին նաև օդաչուները, ովքեր պահանջում են հաշմանդամ օդաչուների գումարների փոխհատուցում:

Լուսանկարները և նյութը` Սոֆյա Մանուկյանի

Աղբյուր` www.hra.am