Կենտրոնական ընտրական հանձնաժողովը հրապարակել է մայիսի
6-ին կայացած խորհրդարանական ընտրությունների նախնական արդյունքները՝ ընտրական բոլոր
1982 տեղամասերից ստացված տվյալների հիման վրա:

Ըստ այդ տվյալների՝ համամասնական ընտրակարգով ձայները
բաշխվել են հետևյալ կերպ.

Հայաստանի հանրապետական կուսակցություն` 44.05 %,

«Բարգավաճ Հայաստան» կուսակցություն` 30.20 %,

Հայ ազգային կոնգրես` 7.10 %,

«Ժառանգություն» կուսակցություն` 5.79 %,

Հայ Յեղափոխական Դաշնակցություն` 5.73 %,

«Օրինաց երկիր» կուսակցություն` 5.49 %,

Հայաստանի կոմունիստական կուսակցություն` 1.06 %,

Հայաստանի դեմոկրատական կուսակցություն` 0.37 %,

«Միավորված հայեր» կուսակցություն` 0.20 %:

Այսպիսով, 5-րդ գումարման Ազգային ժողով են անցել 6 քաղաքական ուժեր: Կոմկուսը, Դեմկուսը և «Միավորված հայերը»
չեն հաղթահարել 5 տոկոսի շեմը:

Մեծամասնական ընտրակարգով 41 ընտրատարածքներում ընտրված թեկնածուներից 29-ը ՀՀԿ առաջադրած
թեկնածուներն են, 9-ը՝ ԲՀԿ կողմից, մեկական թեկնածուներ ունեն ՕԵԿ-ն ու ՀՅԴ-ն: Միակ ինքնաառաջադրված և պատգամավոր դարձած թեկնածուն փաստաբան Էդմոն Մարուքյանն է՝ թիվ 30 ընտրատարածքից: 

Էլեկտրոնային քվեարկության արդյունքներով՝ 238 ընտրողներից  քվեարկել է 195-ը, իսկ ձայները բաշխվել են հետևյալ
կերպ.

ՀՀԿ` 174 քվե,

ՀՅԴ` 6 քվե,

«Ժառանգություն»` 5 քվե,

ԲՀԿ` 2 քվե,

ՀԱԿ` 2 քվե,

«Միավորված հայեր»` 1 քվե,

ՀԴԿ` 1 քվե,

ՕԵԿ` 0 քվե,

ՀԿԿ` 0 քվե:

Չորս քվե անվավեր է ճանաչվել:

ԿԸՀ տվյալներով՝ ընտրություններին մասնակցելու իրավունք ունեցող 2.522.962 ընտրողներից
քվեարկել է 1.572.518-ը (62,33%): Ընտրողների ընդհանուր թվի 59.53 %-ը քվեարկել է Երևանում: