ՀՀ նախագահի հրամանագրով 2014թ. հունվարի 9-ից դադարեցվել են ՀՀ վարչական դատարանի դատավոր Հովհաննես Թորոսյանի լիազորությունները: Այս մասին տեղեկանում ենք նախագահի պաշտոնական կայքից:

«Ղեկավարվելով Հայաստանի Հանրապետության Սահմանադրության 55-րդ հոդվածի 11-րդ, Հայաստանի Հանրապետության դատական օրենսգրքի 167-րդ հոդվածի 4-րդ մասի 2-րդ կետերով և հիմք ընդունելով Արդարադատության խորհրդի 2013 թվականի դեկտեմբերի 25-ի եզրակացությունը` որոշում եմ.

Հայաստանի Հանրապետության վարչական դատարանի դատավոր Հովհաննես Թորոսյանի լիազորությունները 2014թ. հունվարի 9-ից համարել դադարած»,- նշված է ՀՀ նախագահ Սերժ Սարգսյանի հրամանագրի մեջ։