«Հույսի կամուրջ» հաշմանդամ երեխաների և երիտասարդների իրավունքների պաշտպանության հասարակական կազմակերպությունն այս տարի տոնում է հիմնադրման 15-ամյակը:

Նոյեմբերի 8-ին ժամը 13:00-ին Սիրահարների այգում կկայանա կազմակերպության հիմնադրման տարեդարձին նվիրված միջոցառումը, որի ընթացքում տեղի կունենա նաև այգու կամրջակներից մեկի անվանակոչման արարողությունը: Այգու տնօրինությունը սիրով որոշել է կամրջակն անվանել Հույսի կամուրջ, որպես նվեր կազմակերպության տարեդարձին:

Կազմակերպության տարեդարձին նվիրված մի շարք միջոցառումներ կիրականացվեն Երևանում և Տավուշի մարզի չորս քաղաքներում, ուր գործում են երեխայի զարգացման և ընտանիքի աջակցության համայնքային կենտրոնները: