«Նամակ Աննը Ֆրանկին» խորագրով շարադրությունների մրցույթ

«Սովորել Աննը Ֆրանկի հետ» ծրագրի շրջանակներում Քաղաքացիական հասարակության ինստիտուտը և Հայկական գրադարանային ասոցիացիան, ՀՀ արտաքին գործերի նախարարության աջակցությամբ, կազմակերպում են «Նամակ Աննը Ֆրանկին» խորագրով շարադրությունների մրցույթ։

«Սովորել Աննը Ֆրանկի հետ» ծրագիրը իրականացնում է Քաղաքացիական հասարակության ինստիտուտը, Հայաստանում և Վրաստանում Նիդերլանդների դեսպանության ֆինանսական աջակցությամբ։

Նամակ-շարադրությունը պետք է արտացոլի հեղինակի վերաբերմունքը Աննը Ֆրանկին և նրա պատմությանը։

Մրցույթի պայմանները

* Մրցույթին կարող են մասնակցել մինչև 18 տարեկան բոլոր ՀՀ քաղաքացիները:

* Շարադրությունը պետք է գրված լինի հայերեն լեզվով։

* Շարադրության ծավալը չպետք է գերազանցի 800 բառը:

* Շարադրությունների ընդունման վերջնաժամկետն է ս.թ. մարտի 30-ը (ներառյալ):

* Շարադրությունները պետք է ուղարկել annefrank@csi.am հասցեին` թեմա (subject) բաժնում նշելով «Նամակ Աննը Ֆրանկին»։

* Շարադրության հետ նամակում մասնակիցները պետք է նշեն անունը, ազգանունը, տարիքը, բնակության վայրը (քաղաք/համայնք) և հեռախոսահամարը:

* Մրցույթի արդյունքներով 12 լավագույն հեղինակների համար Երևանում կկազմակերպվի Աննը Ֆրանկին նվիրված հատուկ միջոցառումների ծրագիր (ապրիլի 16-17)։

* Ապրիլի 17-ին Խնկո Ապոր անվան ազգային մանկական գրադարանում կայանալիք ծրագրի ամփոփիչ միջոցառման մասը կլինի նաև լավագույն հեղինակների պարգևատրման արարողությունը։