2018թ. Քաղաքացիական հասարակության ինստիտուտը սկսեց մի նոր ծրագիր՝ համագործակցելով ինմեդիո (inmedio) գերմանական միջնորդության շահույթ չհետապնդող ընկերության և Ադրբեջանում գործընկեր կազմակերպության հետ: Ծրագիրը կոչվում էր «Վստահության վերականգնում Հայաստանի և Ադրբեջանի սահմանամերձ գյուղերի բնակիչների միջև»: Ծրագրի շրջանակներում կազմակերպվել են կոնֆլիկտի գնահատման դասընթացներ Բերդ քաղաքի և Մովսես գյուղի, Ստեփանակերտի և Մարտունու բնակիչների համար, կոնֆլիկտի կառավարման դասընթացներ համայնքային ներկայացուցիչների համար Դիլիջանում, ինչպես նաև՝ երկխոսության կառուցման վերաբերյալ սեմինար Բեռլինում՝ հայ և ադրբեջանցի մասնակիցների համար:
2019թ. ծրագիրը շարունակվեց՝ կոչվելով «Ստեղծել երկխոսություն վարողների ցանց»: Ծրագրում արդեն ներգրավված մասնակիցներին միացան նոր մասնակիցներ՝ Հայաստանի և Ադրբեջանի քաղաքացիական հասարակության կազմակերպություններից: Նրանց համար, երեք փուլով, կազմակերպվեցին միջնորդության և երկխոսության դասընթացներ Երևանում և Բաքվում, այնուհետև Բեռլինում և Թբիլիսիում: Ծրագրի մասնակիցներն, իրենց համայնքների բնակիչների համար, կկազմակերպեն և կվարեն հանդիպումներ, որոնց ընթացքում երկխոսության միջոցով կքննարկվեն խաղաղությանը և պատերազմին, Լեռնային Ղարաբաղի կոնֆլիկտի խաղաղ կարգավորմանը, ինչպես նաև՝ հասարակությունում խաղաղության մշակույթի զարգացմանը վերաբերող հարցեր:
Արժեք՝ 16.080 ԵՎՐՈ
Տևողություն՝ 2019թ. մայիս - դեկտեմբեր
Ֆինանսավորման աղբյուր՝ Գերմանական կառավարություն